Франция чемпионатининг 13-туридан ўрин олган "Ницца" - "Марсель" учрашувининг биринчи бўлими ўрталарида футболчилар ўртасида оммавий муштлашув содир бўлди. Жанжал меҳмонларнинг 33-дақиқадаги иккинчи голидан сўнг юз берди.
Қайд этилишича, дастлаб "Марсель" ҳимоячиси Эмерсонга трибунадан буюм улоқтирилган. Бироз вақт ўтгач, ўйинчилар ўртасида можаро бошланди. Унинг якунига кўра учрашув бош ҳаками Жереми Пиньяр учрашувни захирада бошлаган меҳмонлар дарвозабони Херонимо Рульига ва захирада ўтирган "Ницца" ҳимоячиси Али Абдига сариқ карточка кўрсатди.
Беллашув "Марсель"нинг 5:1 ҳисобидаги ғалабаси билан якунланди.
