Июнь ойи охирида ҳаваскорлар ўртасида футзал бўйича Тошкент шаҳар биринчилиги старт олган эди. Ҳозиргача жамоалар 4тадан ўйин ўтказишга улгуришди ҳамда мусобақанинг биринчи босқичини якунлаб, чорак финал тўқнашувларини бошлаш учун 3та тур қолди.

Бу йилги мусобақаларда саккиз жамоа иштирок этмоқда ва улар орасида фақатгина «Uzpromstroybank» жамоасигина тўпланган очколар устунида юз фоизлик натижа кўрсатмоқда. «Дўстлик» жамоаси ўйинчилари ҳам ҳозирча мағлубият нималигини билмай келишмоқда, бироқ 3-тур учрашувида ушбу жамоа «DHL» билан дуранг ўйнади (1:1). Кучли учликда «ПСБ-Юнусобод» жамоаси ҳам бор, айни вақтда улар ҳисобида 9 очко бор.

Умуман олганда, номлари зикр этилган жамоалардан ташқари мусобақада «EastRoad», «ЎзДТВ», «Чоштепа» ва «Про-ДЖ» ҳаваскор жамоалари ҳам иштирок этмоқда.

Қўшимча сифатида, 5-тур ўйинлари арафасида тўпурарлар пойгасида қўшҳокимлик ўрнатилган. «Uzpromstroybank» вакили Шуҳрат Аҳмедов ва «ЎзДТВ»дан Темур Галимов дастлабки ўйинларда рақиб дарвозабонларини 7 мартадан ранжитишга муваффақ бўлишди.

Биринчи босқич доирасида шу кунгача ўтказилган барча ўйинлар натижалари ва навбатдаги тур ўйини тақвими билан қуйида танишиб олишингиз мумкин:

30.06.2013
Чоштепа – DHL 4:5
Дўстлик – Про-ДЖ 4:0
ПСБ-Юнусобод – ЎзДТВ 3:2
EastRoad– Uzpromstroybank 1:6

7.07.2013
Про-ДЖ – ПСБ-Юнусобод 0:1
ЎзДТВ – EastRoad 3:2
DHL– Uzpromstroybank 1:7
Чоштепа – Дўстлик 2:13

14.07.2013
EastRoad– Про-ДЖ 3:1
ПСБ-Юнусобод – Чоштепа 4:3
Дўстлик – DHL 1:1
Uzpromstroybank– ЎзДТВ 9:4

21.07.2013
Чоштепа – EastRoad 1:1
Про-ДЖ – Uzpromstroybank 1:3
DHL– ЎзДТВ 7:1
Дўстлик – ПСБ-Юнусобод 5:1

28.07.2013
9.00 ЎзДТВ – Про-ДЖ
10.15 EastRoad– Дўстлик
11.30 Uzpromstroybank– Чоштепа
12:45 ПСБ-Юнусобод – DHL