"Шахтёр" спорт директори Дарио Срна собиқ жамоадоши Фернандиньога миннатдорчилик билдирди.
Куни кеча бразилиялик таниқли футболчи Фернандиньо фаолиятини якунлаганини эълон қилди.
Футболчи 2005 йилдан 2013 йилгача Донецкнинг "Шахтёр" жамоасида ўйнаган ва у билан кўплаб совринларни қўлга киритган. Бразилиялик футболчининг собиқ жамоадоши Дарио Срна ўзининг Instagram саҳифасида унинг фаолиятини якунлагани ҳақида фикр билдирди.
"Буюк. Барчаси учун раҳмат", - деб ёзди Срна.
"Шахтёр" таркибида Фернандиньо олтита Украина чемпионлигини, тўрттадан мамлакат кубоги ва Суперкубогини қўлга киритди ва УЕФА кубоги ғолибига айланди. Шунингдек, ярим ҳимоячи "Манчестер Сити" ва Бразилия терма жамоасида ҳам ўйнаган.
