"Комо" клуби ҳужумкор ярим ҳимоячиси Николас Пас ҳамон "Реал"нинг радарларидан тушмаяпти. Бу ҳақда журналист Экрем Қўнур хабар бермоқда.

Ўтган ёзда "Реал" Пасни 8 миллион еврога қайта сотиб олиш имкониятидан фойдаланмаган эди, аммо "қаймоқранглилар" хавбекни 2026 йилда 9 миллион еврога ёки 2027 йилда 10 миллион еврога қайтариши мумкин. Таъкидланишича, агар "Комо" Пасни бошқа клубга сотишга қарор қилса, "Реал" барча сумманинг 50 фоизини олади.

Жорий мавсумда 21 ёшли аргентиналик футболчи барча мусобақаларда 12 та ўйинда майдонга тушиб, 4 та гол урди ва 4 та голли узатмага муаллифлик қилди.

Айни пайтда Паснинг бозор нархи Transfermarkt маълумотларига кўра, 55 млн еврони ташкил қилмоқда.