Ҳужумкор ярим ҳимоячи Жек Грилиш ижара асосида "Манчестер Сити"дан "Эвертон"га ўтганидан сўнг яна ўзини кўрсатмоқда.
30 ёшли футболчи Премьер-лиганинг жорий мавсумида жамоадошлари учун 24 та вазият яратди - бу иккинчи кўрсаткич, деб ёзади WhoScored.
Пешқадамлик "Манчестер Юнайтед" аъзоси Бруну Фернандешда қолмоқда - 29та зарбага ассист. Кучли учликни "Манчестер Сити" вингери Жереми Доку (23) якунлаган бўлса, кейинги ўринларда Коди Гакпо, Муҳаммад Салоҳ (иккиси ҳам "Ливерпуль") ва Фил Фоден ("Манчестер Сити") - 21тадан вазият яратган.
Душанба куни "Эвертон" "Олд Траффорд"да "Манчестер Юнайтед"га қарши баҳс олиб боради.













