Франция Лига 1 мусобақасининг 2025/2026 йилги мавсуми 13-туридан ўрин олган «ПСЖ» — «Гавр» учрашув Париждаги «Парк де Пренс» стадионида бўлиб ўтди.
Учрашувнинг биринчи голини парижликлар ярим ҳимоячиси Ли Кан Ин 29-дақиқада киритди. Иккинчи бўлимнинг 65-дақиқасида Жоау Невеш ҳисобдаги фарқни оширди. Беллашувнинг 87-дақиқасида Брэдли Баркола ўйинда якуний ҳисобни ўрнатди — 3:0.
13 турдан сўнг «ПСЖ» 30 очко билан Франция чемпионати жадвалида биринчи ўринга кўтарилди. «Гавр» эса 14 очко билан 12-поғонада жойлашган.
Кейинги турда «ПСЖ» 29 ноябрь куни «Монако»га қарши ўйнайди, «Гавр» эса 30 ноябрь куни «Лилль»га қарши майдонга тушади.
Франция — Лига 1. 13-тур
ПСЖ (Париж) — 3:0 — Гавр (Гавр)
Голлар: 1:0 — Ин, 29', 2:0 — Невеш, 65', 3:0 — Баркола, 87'













