"Барселона" Ла Лига доирасида "Атлетик" Бильбаони йирик ҳисобда мағлуб этиб (4:0), "Камп Ноу"га қайтди.
Ўйин якунлангач, "кўк-анорранглилар" бош мураббийи кўп йиллар олдин "Барса"ни "Камп Ноу"да бошқаришини тасаввур қилганини тан олди.
"Жуда-жуда узоқ вақт олдин, мени учинчи дивизион жамоасидан эндигина ишдан бўшатишганида, мен ўзимга бир кун келиб бу ерда, "Камп Ноу"да, "Барселона" мураббийи мақомида ўтиришимни айтгандим. Мен учун бу ҳақиқатга айланган орзу. Бу машаққатли меҳнат орқали ҳамма нарсага эришиш мумкинлигини исботлайди," - дея Фликнинг сўзларини келтиради Barca Universal.
Германиялик мутахассис 2024 йилнинг ёзида Каталония гранди мураббийи лавозимини эгаллаганди.
