"Атлетик" бош мураббийи Эрнесто Вальверде "Барселона" вингери Ламин Ямални Лионел Мессидан яхшироқ деб ҳисоблайсизми, деган саволга жавоб берди.

- Билмадим. Буни фақат вақт кўрсатади. Ламиннинг даражаси жуда баланд. Месси кўп йиллар давомида дунёнинг энг яхши футболчиси бўлган, ҳар бир ўйинда буни доим исботлаб келган. Ламин эндигина ўз йўлини бошлаяпти. У ҳали жуда ёш ва унинг катта келажаги бор," - дея Вальверденинг сўзларини келтиради Barca Universal.

Месси "Барселона"нинг афсонаси ва тарбияланувчиси. У 2000 йилдан 2021 йилгача клуб тизимида бўлган. Ямал ҳам "Ла Масия"дан чиққан. Жорий мавсумда 18 ёшли вингер барча турнирларда 11 та учрашувда майдонга тушиб, 6 та гол урди ва 6 та голли узатмани ўз ҳисобига ёздириб қўйди.