"Бавария" марказий ҳимоячиси Жонатан Та Лондоннинг "Арсенал" жамоасига қарши Чемпионлар Лигаси ўйини ҳақида фикр билдирди.
Мюнхенликларнинг "канонирлар"га қарши сафардаги ўйини чоршанба, 26 ноябрь куни бўлиб ўтади.
"Биз ҳар қандай ўйинни ғайрат, бирлик ва жамоавий руҳ билан ўзгартира олишимизни биламиз. Албатта, иккита гол ўтказиб юбориш умидсизликка олиб келади, аммо биз ўзимизни яхшиладик ва мақсадимизга эришдик.
Биз "Арсенал"га қарши ўйинни интиқлик билан кутмоқдамиз - бу ўзгача бўлади. Биз Лондондаги ўйинга ишонч ва ғалаба қозониш нияти билан ёндашамиз. Ҳаяжонли жанг олдинда", - дея Танинг сўзларини келтиради Bayern & Germany.
