Италия чемпионатининг 12-турида Туриннинг "Ювентус" жамоаси "Фиорентина"га қарши баҳс олиб борди ва 1:1 ҳисобида дуранг ўйнади. Бу натижа ҳақида "кекса синьора" устози Лучано Спаллетти ўз фикрларини билдирди.
"Танаффусга қадар жамоа ортиқча хатоларга йўл қўйди. Биз савиямизни оширишимиз ва ҳужумда яхшироқ ўйнашимиз керак. "Ювентус"нинг мавсумдаги асосий мақсади - Скудетто учун курашиш," - дея бош мураббийнинг сўзларини келтиради инсайдер Жанлука ди Марцио.
Туринликлар 12 ўйиндан сўнг 20 очко жамғариб, А Серия турнир жадвалида олтинчи ўринда бормоқда. Спаллетти шогирдлари пешқадам "Наполи"дан 5 очкога ортда қолмоқда.
