"Барселона" устози Ханс-Дитер Флик Бильбаонинг "Атлетик" клуби устидан қозонилган ғалабадан сўнг (4:0) ҳужумкор ярим ҳимоячи Фермин Лопеснинг ўйинига баҳо берди.

22 ёшли испаниялик футболчи ўйиннинг 48-дақиқасида гол уриб, таблодаги ҳисобни 3:0 кўринишига келтирди.

"Фермин жуда ҳаракатчан, бу бизга катта фойда келтиради. У ҳар қандай вазиятда тўпни сақлаб қолишга қодир, жамоа учун доимо бўш жой яратади. Буни кузатиш жуда ёқимли. У доим голлар ва самарали узатмаларни амалга оширади," - дея Фликнинг сўзларини келтиради Barca Universal.

Фермин Лопес "кўк-анорранглилар" сафида жорий мавсум 12 та баҳсда 7 та гол ва 4 та голли узатмани ўз ҳисобига ёздириб қўйди.