"Ливерпуль" ҳимоячиси Виржил ван Дейк "Ноттингем Форест"га қарши муваффақиятсиз ўйиндан кейин ўз фикрларини билдирди. Арне Слот жамоаси ўз уйида 0:3 ҳисобида мағлуб бўлди.
"Барча футболчилар ойнага қарашлари керак. Кўп ишлаш ва олдинга силжиш керак. Мен бу клубда анчадан бери ишлайман ва биз аллақачон қийинчиликларни бошдан кечирганмиз. Биз қайтамиз, лекин бу бир кечада бўлмайди. Мен таслим бўладиганлардан эмасман," - дея ван Дейкнинг сўзларини келтиради BBC.
"Ноттингем Форест"га мағлуб бўлган "Ливерпуль" АПЛ турнир жадвалида 11-ўринга тушиб кетди. Слот жамоаси кейинги турда сафарда "Вест Хэм"га қарши баҳс олиб боради. Ўйин кузнинг сўнгги кунида бўлиб ўтади.
