"Liverpul" himoyachisi Virjil van Deyk "Nottingem Forest"ga qarshi muvaffaqiyatsiz o‘yindan keyin o‘z fikrlarini bildirdi. Arne Slot jamoasi o‘z uyida 0:3 hisobida mag‘lub bo‘ldi.
"Barcha futbolchilar oynaga qarashlari kerak. Ko‘p ishlash va oldinga siljish kerak. Men bu klubda anchadan beri ishlayman va biz allaqachon qiyinchiliklarni boshdan kechirganmiz. Biz qaytamiz, lekin bu bir kechada bo‘lmaydi. Men taslim bo‘ladiganlardan emasman," - deya van Deykning so‘zlarini keltiradi BBC.
"Nottingem Forest"ga mag‘lub bo‘lgan "Liverpul" APL turnir jadvalida 11-o‘ringa tushib ketdi. Slot jamoasi keyingi turda safarda "Vest Xem"ga qarshi bahs olib boradi. O‘yin kuzning so‘nggi kunida bo‘lib o‘tadi.
