Эроннинг «Трактор» клуби бош мураббийи Драган Скочич «Насаф»нинг Элит ОЧЛдаги натижалари ҳақида гапирди.

«Айтиб ўтганимдек, уларнинг натижалари яхши бўлмади, лекин биз натижага қарамаймиз; уларнинг ўйин услуби биз учун муҳим. «Насаф» «Ал-Ваҳда»га оддий хатолар туфайли ютқазди. Биз эртанги ўйинда турли шароитларига мослашишимиз керак. Бу жамоа узоқ масофага узатмаларга, қисқа пасларга, ҳимоя орқасидаги бўшлиқдан фойдаланишга ва тактик хилма-хилликка таянади ва биз уларга қарши туришга тайёр бўлишимиз керак. Биз уларнинг яхши жамоа эканлигини биламиз. Уларга шунчаки бироз омад етишмаяпти.

Биз яхши жамоага қарши ўйнаймиз, лекин мен учрашувдан олдин рақиб ва унинг ўйинчилари ҳақида алоҳида гапириб ўтирмайман. Уларда кўплаб ажойиб ва истеъдодли ўйинчилар бор, лекин мен тафсилотларга тўхталмайман.

Фурсатдан фойдаланиб, дўстим ва Ўзбекистон терма жамоасининг собиқ бош мураббийи Серчко Катанецга соғлиқ тилайман», - деди 57 ёшли хорватиялик мутахассис матбуот анжуманида.