Eronning «Traktor» klubi bosh murabbiyi Dragan Skochich «Nasaf»ning Elit OCHLdagi natijalari haqida gapirdi.

«Aytib o‘tganimdek, ularning natijalari yaxshi bo‘lmadi, lekin biz natijaga qaramaymiz; ularning o‘yin uslubi biz uchun muhim. «Nasaf» «Al-Vahda»ga oddiy xatolar tufayli yutqazdi. Biz ertangi o‘yinda turli sharoitlariga moslashishimiz kerak. Bu jamoa uzoq masofaga uzatmalarga, qisqa paslarga, himoya orqasidagi bo‘shliqdan foydalanishga va taktik xilma-xillikka tayanadi va biz ularga qarshi turishga tayyor bo‘lishimiz kerak. Biz ularning yaxshi jamoa ekanligini bilamiz. Ularga shunchaki biroz omad yetishmayapti.

Biz yaxshi jamoaga qarshi o‘ynaymiz, lekin men uchrashuvdan oldin raqib va uning o‘yinchilari haqida alohida gapirib o‘tirmayman. Ularda ko‘plab ajoyib va iste’dodli o‘yinchilar bor, lekin men tafsilotlarga to‘xtalmayman.

Fursatdan foydalanib, do‘stim va O‘zbekiston terma jamoasining sobiq bosh murabbiyi Serchko Katanesga sog‘liq tilayman», - dedi 57 yoshli xorvatiyalik mutaxassis matbuot anjumanida.