«Ливерпуль» посбони Хосе Рейна ва «Реал» ҳужумчиси Гонсало Игуаин «Наполи» билан янги шартноманинг сўнгги масаларини ҳал қилиш ва тиббий кўрикдан ўтиш учун Италияга етиб келишди.
Иккала футболчи ҳам айни вақтда Италияда бўлиб туришибди. «Наполи» ушбу футболчиларнинг трансфери борасида бугун расмий маълумот бериши кутилмоқда.
Эслатиб ўтамиз, шу кунга қадар «Наполи» Рауль Албиол, Хосе Кальехон (иккаласи ҳам «Реал») ва Дрис Мертенс (ПСВ) каби футболчиларни ўз сафига қўшиб олганди.