"Бетис" вингери Антони "Севилья"га қарши дербида иштирок этиши учун унинг олган қизил карточкаси бўйича апелляция бермоқчи.
Бразилиялик футболчи Ла Лиганинг 13-туридан ўрин олган "Жирона"га (1:1) қарши ўйин охирида майдондан четлатилган эди. Вингер 89-дақиқада қайчи услубида зарба бермоқчи бўлди, бироқ оёғи билан Хоэль Рокенинг юзига тепиб юборди. Бош ҳакам Иосу Галек Апестегия эса эпизоднинг такрорий лавҳасини мониторда кўриб, Антонини майдондан четлатди.
"Бетис" Антонининг қизил карточкаси учун апелляция беради. Жамоа 30 ноябрь куни "Севилья" меҳмони бўлади.
Антони жорий мавсум Ла Лигада 9 та ўйинда майдонга тушиб, 4 та гол урди ва 1 та голли узатмани амалга оширди.
