"Атлетико" марказий ярим ҳимоячиси Конор Галлахер қишки трансферлар даврида жамоани тарк этиши мумкин. Бу ҳақда Layall Tomas хабар бермоқда.
Манбага кўра, келаётган қишда Галлахерни Англия Премьер-лигасининг бир қатор клублари ўз сафига қўшиб олишга уриниб кўради. Таъкидланишича, "матрасчилар" 25 ёшли хавбекни январда қўйиб юборишга тайёр, фақат бу ижара эмас, тўлақонли трансфер бўлса бас.
Жорий мавсумда Галлахер барча мусобақаларни инобатга олган ҳолда 17 та учрашувда майдонга тушди ва 2 та гол урди.













