Сешанба куни "Наполи" яна ўйин ўтказиши керак - бу сафар Чемпионлар лигасида "Қорабоғ"га қарши. Неаполликлар устози Антонио Конте учрашув олдидан ўз фикрлари билан ўртоқлашди.
"Ўйинга керакли кайфият ва энергия билан ёндашамиз. Шанба куни саволларимга жавоб олдим, жуда яхши суҳбатлашдик. Бу йил кўплаб сабабларга кўра осон бўлмаяпти, мавсум бошланишидан олдин ҳам бу ҳақда гапирган эдим. Мен назорат қила оладиган вазиятлар бор - иш, тактик тайёргарлик. Мен назорат қила олмайдиган нарсалар бор - масалан, жароҳатлар," - дея Контенинг сўзларини келтиради fcinter1908.it.
Антонио Конте "Наполи"га 2024 йилдан буён устозлик қилиб келмоқда.
