"Комо" бош мураббийи Франсеск Фабрегас "Торино"га қарши чемпионат ўйини олдидан матбуот вакиллари билан мулоқот қилди.
"Ҳамма [терма жамоалардан] яхши формада қайтди, Диаодан ташқари. Пош жаҳон чемпионатига чиқди, Войвода Косовога қарши жуда яхши ўйнади ва энди плей-офф ўйинларида иштирок этади. Ҳамма мамнун бўлиб қайтди," - дея Фабрегаснинг сўзларини келтиради Calcio Box.
"Кейинги ўйинларда қандай ўзгаришларни кутмоқдамиз? Ҳужумда яхшироқ бўлишга ҳаракат қиляпмиз ва жарима майдони олдида янада шижоатли бўлишимиз, янада қатъийроқ ҳаракат қилишимиз керак."
"Жамоа таназзулга учрадими? "Комо" кўп жиҳатдан устунлик қилади. Аммо "Кальяри"га қарши ўйинда футболчиларимизда гол уриш учун агрессия етишмади. Бу бўйича ишлаяпмиз, жараён кетяпти".
"Комо" эса 18 очко билан саккизинчи ўринда бормоқда. "Торино" эса 14 очко билан 4 поғона пастда бормоқда.
