"Интер" футболчиси Дензел Дюмфрис 9 ноябрь куни А Серия доирасида "Лацио"га қарши ўйинда тўпиғидан олган жароҳатидан сўнг камида тўртта ўйинга сафдан чиқди.
Жароҳатнинг ҳолати ҳақидаги дастлабки тахминлар жуда оптимистик эди - текширув жиддийроқ муаммоларни аниқлади. La Gazzetta dello Sport хабарига кўра, Дюмфрис кейинги тўртта учрашувни ўтказиб юбориши аниқ. Футболчи 9 декабрь куни бўлиб ўтадиган "Ливерпуль"га қарши Чемпионлар лигаси ўйинидагина майдонга қайтиши кутилмоқда.
Шу билан бирга, тикланиш муддати узайиши мумкинлиги таъкидланмоқда: футболчи декабрь ойи охиригача майдонга тушмаслиги эҳтимоли йўқ эмас.
