"Ливерпул" январь ойида "Борнмут" вингери Антуан Семеньонинг эҳтимолий трансфери бўйича ишларни кучайтирмоқда.
Журналист Флориан Плеттенбергнинг маълум қилишича, клуб аллақачон 25 ёшли футболчининг трансфери бўйича батафсил музокаралар олиб борган ва унинг товон пули 70 миллион фунт атрофида эканидан хабардор. "Ливерпуль" футболчига жиддий қизиқишда давом этмоқда ва уни шу қишдаёқ жамоани кучайтириши мумкин бўлган футболчи сифатида кўрмоқда.
Семеньонинг "Борнмут" билан амалдаги шартномаси 2030 йилга қадар имзоланган. У жорий мавсум Англия чемпионатида 11 та ўйинда 6 та гол ва 3 та голли узатмага муаллифлик қилиб, юқори самарадорлик кўрсатмоқда.
