"Ливерпуль" ярим ҳимоячи Кес Смитни ўз сафига қўшиб олмоқчи, деб хабар беради Football Insider.
Манбага кўра, 19 ёшли нидерландиялик футболчи учун тахминан 28 миллион евро сўралган. Шунингдек, унга "Реал", "Барселона", "Ньюкасл" ва Дортмунднинг "Боруссия" клублари даъвогарлик қилмоқда.
Аввалроқ, "Реал" бош мураббийи Хаби Алонсо клуб бош скаути Юни Калафатдан Смитни кузатиш учун Нидерландияга боришни сўрагани хабар қилинганди.
2025/26 йилги мавсумда Смит 20 та ўйинда 2 та гол урди ва 4 та голли узатмани амалга оширди. Унинг шартномаси 2028 йилнинг 30 июнига қадар мўлжалланган.
Transfermarkt портали футболчининг трансфер қийматини 10 миллион еврога баҳолаган.
