"Ливерпуль"нинг собиқ ҳимоячиси, ҳозирда Британия телевидениеси эксперти Жейми Каррагер АПЛ 12-туридан ўрин олган "Ноттингем Форест"га қарши муваффақиятсиз ўйиндан кейин "қизиллар"нинг мисрлик форварди Муҳаммад Салоҳнинг ўйинига баҳо берди.

Мерсисайдликлар ўз майдонида 0:3 ҳисобида ютқазди.

"Энг муҳими - "Ливерпуль"нинг муваффақияти, футболчилардан бирининг келажаги эмас. Салоҳ ўзининг етакчилик қобилиятини кўрсатиши керак, у аллақачон клуб афсонасига айланган. У бутун жамоа номидан ўйнаши керак. Бундай натижалар билан бош мураббий истеъфога чиқиш хавфи остида турибди," - дея мутахассиснинг сўзларини келтиради Sky Sports.

АПЛнинг жорий мавсумида 33 ёшли ҳужумчи 12 та ўйин ўтказиб, 4 та гол урди ва 2 та голли узатмани амалга оширди.