Италиянинг "Аталанта" клуби қишда ўз ҳужумчиси Адемола Лукманни қанчага қўйиб юбориши маълум бўлди.
La Gazzetta dello Sport хабарига кўра, "Аталанта" 28 ёшли нигерияликни "Галатасарой"га 50 миллион еврога сотиши мумкин. Аввалроқ, турк клуби юлдузи Виктор Осимхен ҳамюрти Лукманни "сариқ-қизиллар" сафига ўтишга кўндирмоқчи экани ҳақида хабарлар тарқалган эди.
Жорий мавсумда Лукман барча мусобақаларда 11 та ўйинда майдонга тушди ва битта гол урди. Ҳужумчининг "Аталанта" билан амалдаги меҳнат шартномаси 2027 йилнинг ярмигача мўлжалланган.













