Аргентиналик ҳужумчи Лионель Месси 2023 йилнинг ёзида Каталониянинг "Барселона" клубига қайтиши мумкин эди, бироқ келишув барбод бўлди. Амалга ошмаган трансфер тафсилотлари ҳақида журналист Давид Бернабеу маълумот берди.

Манбага кўра, юлдуз ҳужумчининг "кўк-анорранглилар" сафига ўтиши деярли келишилган. Клуб Месси билан келишиб олган, Ла Лига эса келишувни олдиндан маъқуллаган. Бироқ, маълум вақт ўтгач, вазият тубдан ўзгарди. Ла Лига раҳбарияти келишувни рўйхатдан ўтказишга рухсат бера олмаслигини маълум қилди, чунки "Барса"нинг ўша пайтдаги молиявий аҳволи трансферни якунлашга имкон бермасди.

Шу сабабли Испания гранди музокараларни якунлади. Месси "Интер Майами" таклифини қабул қилди ва МЛСга жўнаб кетди.