Argentinalik hujumchi Lionel Messi 2023 yilning yozida Kataloniyaning "Barselona" klubiga qaytishi mumkin edi, biroq kelishuv barbod bo‘ldi. Amalga oshmagan transfer tafsilotlari haqida jurnalist David Bernabeu ma’lumot berdi.
Manbaga ko‘ra, yulduz hujumchining "ko‘k-anorranglilar" safiga o‘tishi deyarli kelishilgan. Klub Messi bilan kelishib olgan, La Liga esa kelishuvni oldindan ma’qullagan. Biroq, ma’lum vaqt o‘tgach, vaziyat tubdan o‘zgardi. La Liga rahbariyati kelishuvni ro‘yxatdan o‘tkazishga ruxsat bera olmasligini ma’lum qildi, chunki "Barsa"ning o‘sha paytdagi moliyaviy ahvoli transferni yakunlashga imkon bermasdi.
Shu sababli Ispaniya grandi muzokaralarni yakunladi. Messi "Inter Mayami" taklifini qabul qildi va MLSga jo‘nab ketdi.
