Туркиянинг "Галатасарой" клуби бош мураббийи Окан Бурук Чемпионлар лигаси умумий босқич 5-туридан ўрин олган Бельгиянинг "Юнион Цент-Жиллуаз" клуби билан ўйин олдидан матбуот анжумани ўтказди.
"Биз рақибни ҳурмат қиламиз. Улар ўз лигасида етакчи. Бу жуда тартибли ва жисмонан кучли жамоа. Аммо ўз сифатларимизни кўрсатсак, бу ўйинда ғалаба қозонмаслигимиз учун ҳеч қандай сабабимиз йўқ.
Бизнинг асосий мақсадимиз - топ-24 га кириш, иккинчи мақсадимиз - топ-16 га кириш ва жамоа бўлиш. Катта орзумиз - топ-8 га кириш", - дея Бурукнинг сўзларини келтиради Haberler.
Осимхеннинг аҳволи ҳақидаги саволга жавоб берар экан, Буруқ футболчини таркибга киритиш масаласи ўйин куни ҳал қилинишини айтиб ўтди.
