Мюнхеннинг "Бавария" клуби ва Англия терма жамоаси ҳужумчиси Ҳарри Кейн унинг "Барселона"га ўтиши ҳақидаги миш-мишларга муносабат билдирди.
"Мен ҳеч ким билан алоқага чиқмадим, ҳеч ким мен билан боғланмади. Ҳозирги вазиятда ўзимни жуда қулай ҳис қиляпман, гарчи "Бавария" билан вазиятимни ҳали муҳокама қилмаган бўлсак-да. Шошилишнинг ҳожати йўқ. Мен Мюнхенда жуда бахтлиман. Бу менинг ўйинимдан кўриниб турибди. Агар алоқа бўлса, кейин кўрамиз. Аммо ҳозирча янги мавсум ҳақида ўйламаяпман. Олдинда - ёзда жаҳон чемпионати. Ва бу мавсумдан кейин ҳеч нарса ўзгармаса керак", - дея Кейннинг сўзларини келтиради журналист Тоби Алтшаффл Х ижтимоий тармоғида.
Жорий мавсумда футболчи клуб сафида барча мусобақаларда 18 та ўйинда майдонга тушиб, 24 та гол урди ва 3 та голли узатмани амалга оширди.
