26 ноябрга ўтар кечаси ЕЧЛ 5-туридан ўрин олган "Челси" - "Барселона" учрашуви бўлиб ўтади.
Ўйинни словениялик Славко Винчич бошқариб боради. Старт ҳуштаги Тошкент вақти билан соат 01:00 да янграйди.
Opta суперкомпьютери версиясига кўра, "Челси" ушбу қарама-қаршиликнинг фаворити ҳисобланади. Мезбонларнинг ғалаба қозониш эҳтимоли 43 фоиз, меҳмонларнинг - 32,9 фоиз. Дуранг 24,1 фоиз деб баҳоланмоқда.
Жамоалар сўнгги бор расмий даражада 2017/18 йилги мавсумда Чемпионлар лигасининг 1/8 финалида тўқнаш келишганди. Биринчи ўйин дуранг (1:1), иккинчиси каталонияликларнинг йирик 3:0 ҳисобидаги ғалабаси билан якунланди.
EЧЛ турнир жадвалида жамоалар 7 очкодан жамғариб, 12 ва 11-ўринларни эгаллаб турибди.
