"Марсель" бош мураббийи Роберто де Дзерби Чемпионлар Лигаси 5-туридан ўрин олган "Ньюкасл"га қарши ўйиндан олдин ўз фикрларини билдирди.
Италиялик мутахассисдан француз жамоасининг кейинги босқичга чиқиш учун неча очко кераклиги ҳақида сўрашди:
"Билмадим. Бизга қанча очко керак бўлишини айтиш учун менда Моуриньо тажрибаси йўқ. Биргина ғалаба етарли эмас. Биз битта эмас, иккита эмас, кўпроқ ўйинларда ғалаба қозонишимиз керак. Асосий эътиборни иккита йўналишга, жарима майдончаларига қаратишимиз керак. Яхши ҳимояланиш ва ҳужумда самарали бўлиш," - дея мураббийнинг сўзларини келтиради Onefootball.
"Ньюкасл" - кучли, жисмонан ривожланган, жуда яхши мураббийга эга жамоа. Бу қийин, аммо ҳал қилувчи ўйин бўлмайди, чунки ўтган йили сўнгги бир неча турда барчаси ҳал бўлганини кўрдик," - дея қўшимча қилди Де Дзерби.
"Ньюкасл" 9 очко билан 6-ўринда, "Марсель" 3 очко билан 25-поғонада.
