Италиянинг "Наполи" клубининг янги трансфер мақсади - "Фрайбург"нинг 20 ёшли швейцариялик ярим ҳимоячиси Жоан Манзамби. Неаполликлар 2030 йилгача мўлжалланган узоқ муддатли шартномага қарамай, футболчини ўз сафига қўшиб олишни жиддий мақсад қилган.

Манзамби бу мавсумда "Фрайбург"нинг асосий футболчисига айланди, шу боис унга Европанинг топ-клубларидан кўплаб таклифлар бўлмоқда. Аммо "Наполи" бошқаларга қараганда чаққонроқ бўлиб чиқди ва ҳозир келишувга энг яқин турибди.

Ярим ҳимоячи бутун фаолияти давомида "Фрайбург" шарафини ҳимоя қилиб келмоқда. Бу мавсумда Манзамби барча мусобақаларда 15та ўйин ўтказиб, 2та гол урган ва 1та голга ҳаммуаллифлик қилган.