"ПСЖ" ҳужумчиси Хвича Кварацхелия Чемпионлар лигаси доирасидаги "Тоттенхэм"га қарши ўйин арафасида Париждаги илк мавсуми, позицияси ва 26 ноябрь, чоршанба куни "шпорлар"га қарши ўйиннинг аҳамияти ҳақида бироз гапирди.
"ПСЖга келишдан олдин ҳаммаси осонроқ бўлади деб ўйлагандим. Лекин бу жуда қийин - физика, тезлик кўп. Бу топ-5 даги энг яхши чемпионатлардан бири. Бу ерда осон дейдиганлар янглишади.
Чапда ўйнашни яхши кўришимни ҳамма билади. Аммо футболда баъзида ўзгариш керак ва иккала қанотда ҳам ўйнай олиш муҳим. Менга ўнг томонда қийинроқ, лекин умид қиламанки, тез орада чапда бўлгани каби ўнгда ҳам яхши ўйнай оламан", деди Хвича.
