"Барселона" вингери Рафинья жароҳат туфайли деярли икки ойни ўтказиб юборди, аммо ўтган дам олиш кунлари сафга қайтди.

Бразилиялик жароҳатини қайталаб олганига жавобгарликни ўз зиммасига олди.

"Биринчи жароҳат - қисман менинг айбим. Иккинчиси учун ҳам жавобгарликни ўз зиммамга олишим мумкин. Мен иложи борича тезроқ қайтмоқчи бўлдим ва адашдим - қайталаниш шундан келиб чиқади. Мен масъулиятни ўз зиммамга олишим мумкин, чунки якуний қарор менга боғлиқ. Мен биринчи бўлиб "йўқ" дейишим керак. Мен бир нечта хатоларга йўл қўйдим ва иккита такрорий ҳолат содир бўлди. Тезроқ майдонга тушиб, жамоага ёрдам бермоқчи эдим," - деди Рафинья журналистларга.