"Кремонезе" ҳужумчиси Жейми Варди талончилик қурбони бўлди.
La Gazzetta dello Sport нашри тарқатган хабарга кўра, Вардининг Салодаги вилласи якшанба куни А Серия доирасидаги "Кремонезе" - "Рома" (3:1) учрашуви вақтида жиноятчилар тўдаси томонидан талон-тарож қилинган. Камида уч нафар босқинчи футболчининг уйига деразадан кириб, соат, заргарлик буюмлари ва пулларни ўғирлаган.
Дастлабки ҳисоб-китобларга кўра, талончиликдан кўрилган зарар тахминан 100 минг еврога баҳоланмоқда. Ҳозирда воқеа карабинёрлар томонидан тергов қилинмоқда - тергов версиясига кўра, тўда Варди ва унинг оиласининг ҳаракатларини кузатиб борган ва уй қўриқчисиз қолаётганини билган.
