"Манчестер Сити" ҳимоячиси Жон Стоунс Чемпионлар лигаси умумий босқичининг навбатдаги туридан ўрин олган "Реал"га қарши ўйиндан нималар кутилаётганини айтиб ўтди.
Сешанба куни "шаҳарликлар" ўз майдонида "Байер"га 0:2 ҳисобида имкониятни бой бериб қўйди. Орадан икки ҳафта ўтиб, 10 декабрь куни Хосеп Гвардиола жамоаси "қаймоқранглилар" меҳмони бўлади.
"Бугунги мағлубиятдан кейин пайдо бўлган мотивацияни ҳисобга олган ҳолда, ҳаммасини тўғрилаш учун ажойиб имконият. Осон бўлмайди, лекин биз қийин ишларни яхши кўрамиз. Барчамиз жамоавий ва индивидуал даражада муваффақиятсизликларга дуч келганмиз - ҳаммаси уларга қандай муносабатда бўлишингизга боғлиқ. Умид қиламанки, яхши ўйин ўтказиб, ўзимизни оқлаймиз," - дея Стоунснинг сўзларини келтиради УEФА матбуот хизмати.
