"Сантос" ҳужумчиси Неймар чап тиззаси менискидан жароҳат олди ва 2025 йил охиригача сафдан чиқди, дея хабар бермоқда Globo.
Манбага кўра, футболчи Бразилия А Сериясининг 35-туридан ўрин олган "Интернасьонал"га (1:1) қарши ўйин олдидан чап тиззасида оғриқ сезган ва ўйинни ўтказиб юборган. У кейинги ўйинга қайтиши кутилганди, аммо жароҳат кутилганидан ҳам жиддийроқ бўлиб чиқди.
Энди Неймар "Сантос"га мавсумнинг ҳал қилувчи ўйинларида ёрдам бера олмайди, жамоа юқори дивизионда қолиш учун кураш олиб боради.
Жорий мавсумда футболчининг ҳисобида 25 та ўйинда 7 та гол ва 1 та голли узатма бор.
