"Santos" hujumchisi Neymar chap tizzasi meniskidan jarohat oldi va 2025 yil oxirigacha safdan chiqdi, deya xabar bermoqda Globo.
Manbaga ko‘ra, futbolchi Braziliya A Seriyasining 35-turidan o‘rin olgan "Internasyonal"ga (1:1) qarshi o‘yin oldidan chap tizzasida og‘riq sezgan va o‘yinni o‘tkazib yuborgan. U keyingi o‘yinga qaytishi kutilgandi, ammo jarohat kutilganidan ham jiddiyroq bo‘lib chiqdi.
Endi Neymar "Santos"ga mavsumning hal qiluvchi o‘yinlarida yordam bera olmaydi, jamoa yuqori divizionda qolish uchun kurash olib boradi.
Joriy mavsumda futbolchining hisobida 25 ta o‘yinda 7 ta gol va 1 ta golli uzatma bor.
