Грециянинг "Олимпиакос" клуби бош мураббийи Хосе Луис Мендилибар мураббийлик фаолиятида икки марта Мадриднинг "Реал" клубини мағлуб этганини эслатиб ўтди.
Бу сафар унинг жамоаси 26 ноябрь куни Чемпионлар лигаси асосий турнири 5-тури доирасида "қироллик клуби"га қарши майдонга тушади.
"Реал"ни икки марта мағлуб этишимга тўғри келган, аммо кўпроқ ютқазганман. Қайси жамоани бошқаришимга қараб услубим ўзгармайди. "Реал" камдан-кам ҳолларда кимгадир ютқазади, аммо бугун уриниб кўриш учун яхши имконият бўлади", - дея мутахассиснинг сўзларини келтиради УEФА матбуот хизмати.
