"Сантос" клуби ва Бразилия терма жамоаси ҳужумчиси Неймарнинг отаси Бразилия матбуоти эълон қилган маълумотга муносабат билдирди. Маълумотларга қараганда, футболчи мениск жароҳати туфайли сафдан чиққан ва жорий йилда майдонга тушмайди.

"Биз унинг жароҳати ҳақида ҳеч нарса билмаймиз. Неймар тиббий кўрикдан ўтди, биз ҳали ҳам натижаларни кутмоқдамиз. Бу бемаънилик. Биз бунга эътибор бермаймиз. Агар натижа бўлмаса, саволларга қандай жавоб беришим мумкин? Сизлар мендан кўра кўпроқ биладиганга ўхшайсизлар. Билганим шуки, у ўзини ноқулай ҳис қилгани учун текширувдан ўтказилган. Текширув ўтказилди, менда ҳозирча маълумот йўқ, аммо матбуот қайсидир маънода мен ва ўғлимдан олдинда," - дея Неймарнинг отаси сўзларини келтиради TNT Sports.

Неймар жорий мавсум Бразилия чемпионатида 17 та ўйинда 4 та гол урди. Унинг клуб билан шартномаси йил охирида якунланади.