"Реал" 2026 йилда катта трансферни амалга оширишни режалаштирганди. Бир муддат аввал Мадрид клуби ўнг қанот ҳимоясига эркин агент сифатида Ашраф Ҳакимийни қўшиб олмоқчи эди.
Қизиғи, Килиан Мбаппенинг "ПСЖ"дан кетиши туфайли "Реал"нинг режалари барбод бўлди. Париж клуби маош жадвалидан катта миқдордаги пулни тежаб олди ва Ҳакимийга янги шартнома бўйича жозибали таклиф билан чиқди. Натижада марокашлик Лига 1 гранди билан шартномасини 2029 йилнинг ярмигача узайтирди ва "Реал"га қайтиш варианти бекор қилинди. Бу ҳақда AS нашри хабар берди.
Ўз вақтида Ашраф Ҳакимий "Реал" ёшлар жамоаси шарафини ҳимоя қилган ва ҳатто "қаймоқранглилар"нинг асосий жамоасида 17 та ўйин ўтказган.
