Лондоннинг "Арсенал" клубида ҳужумчи Габриэль Жезуснинг келажаги бўйича қарор қабул қилинди. Тез орада бразилиялик тиззасидан олган оғир жароҳатидан узоқ муддатли тикланишдан сўнг сафга қайтади. Шунга қарамай, "канонирлар" Жезусни қишки трансферлар даврида сотиб юборишни режалаштирмоқда. Бу ҳақда Football Insider’га таяниб, Transfer News Live хабар берди.

Жезуснинг сотилиши "Арсенал"га кучайтириш зарурати туғилганда бюджетини тўлдириш имконини беради. Ҳужумчининг ўзи бошқа жамоага ўтиши унга мунтазам ўйин вақти ва 2026 йилги жаҳон чемпионати учун Бразилия қайдномасига кириш имконини беришига ишонмоқда.

Нуфузли "Transfermarkt" портали 28 ёшли Габриэл Жезусни 25 миллион еврога баҳоламоқда.