“Ноттингем Форест” клуби қишки трансфер ойнасида ярим ҳимоячи Эллиот Андерсон бўйича келадиган ҳар қандай таклифни рад этишга қатъий қарор қилган. Бу ҳақда Football Transfers хабар берди.

Манбага кўра, 23 ёшли англиялик футболчи жамоага қўшилганидан бери ажойиб ўйин намоён этмоқда ва қисқа вақт ичида “ўрмончилар”нинг асосий фигураларидан бирига айланди. Шу сабабли унга Премьер-лиганинг бир қатор топ-клублари ("Ньюкасл", "Манчестер Юнайтед", "Ливерпуль", "Челси") қизиқиш билдирмоқда.

Бироқ “Ноттингем Форест” раҳбарияти 21 ёшли ярим ҳимоячини жамоа келажагининг муҳим қисми деб ҳисобламоқда ва мавсум давомида уни сотиш ниятида эмас.

Эллиот жорий мавсумда жами 15 та ўйинда 1 тадан гол ва голли узатма амалга оширган.