"Копенгаген" устози Якоб Нееструп "Қайрат"га қарши ўйинни сарҳисоб қилди. Чемпионлар лигаси умумий босқичининг бешинчи тур ўйини Дания клубининг Қозоғистон клуби устидан 3:2 ҳисобидаги ғалабаси билан якунланди.
"Менимча, саралаш босқичини аъло даражада ўтказган ва яқинда Миланда "Интер"га муаммо туғдирган рақибга қарши устунлик қилдик ва жуда яхши ҳаракат қилдик. 82 дақиқа давомида ажойиб ҳаракат қилдик, аммо биринчи голни ўтказиб юборганимизда динамика ўзгарди", - дея Нееструпнинг сўзларини келтиради Tipsbladet.
Ушбу ғалаба эвазига "Копенгаген" топ-24 лик учун курашга қўшилди.













