"Барселона" вингери Маркус Рэшфорд фаолиятини Франциянинг "ПСЖ" клубида давом эттириши мумкин. Бу ҳақда Fijaches хабар бермоқда.
Манбага кўра, "Барселона"да Рэшфордни "Манчестер Юнайтед"дан 35 миллион еврога сотиб олиш варианти бор, аммо "ПСЖ" аллақачон футболчи учун 50 миллионлик таклиф тайёрламоқда. Парижликлар футболчининг "Барселона"га ўтишини барбод қилиб, Англия терма жамоаси юлдузини қўлга киритмоқчи.
Жорий мавсумда 28 ёшли ҳужумчи барча мусобақаларни инобатга олган ҳолда 17 та учрашувда майдонга тушиб, 6 та гол урди ва 9 та голли узатмани ўз ҳисобига ёздириб қўйди.
Рэшфорднинг "Манчестер Юнайтед" билан амалдаги меҳнат шартномаси 2028 йилнинг ёзигача мўлжалланган.
