"Ливерпуль" ярим ҳимоячиси Райан Гравенберх мерсисайдликларнинг асосий муаммосини айтиб ўтди. Жорий мавсумда "қизиллар" барча мусобақаларни қўшиб ҳисоблаганда тўққизта ўйинда мағлуб бўлишди ва бир кун олдин Чемпионлар Лигасида ПСВга (1:4) ютқазишди.
"Жамоа муаммолари? Менимча, улар жуда кўп гол ўтказиб юбораётганимиздан иборат. Бу бизнинг ҳозирги асосий муаммомиз. Топ жамоа бўлиб қолаётганимизни биламиз, аммо ҳозирча ҳаммаси кўнгилдагидек кетмаяпти. Бу мураккаб нуқта.
ПСВ билан ўйин натижаси? Биз мағлубият туфайли ғазабдамиз. Биринчи бўлимда, менимча, ёмон ўйнамадик. Лекин иккинчисида ҳаммаси чаппасига кетди. Сўз топиш қийин. Биз ёмон ҳолатдамиз, шу холос," - дея Гравенберхнинг сўзларини келтиради "Ливерпуль" расмий сайти.
