"Бухоро" жамоаси футболчилари кеча ўзларининг иккинчи ўртоқлик учрашувларини ҳам ўтказиб олишди. "Сўғдиёна" билан кечган учрашувда 3:3 ҳисобидаги дуранг натижа қайд этилди.

Кечаги ўйинда "Бухоро"нинг таркиби қуйидагича кўриниш олди:
"Бухоро": Ботир Носиров, Наоя Шибамура, Девид Ония, Бобур Акбаров, Отабек Нарзуллаев, Алексей  Николаев, Илья Ильин, Отабек Валижонов, Алишер Санаев, Баҳодир Пардаев, Воҳид Шодиев.
Захирадан тушганлар: Мақсуд Шабанов, Евгений Кочнев, Баҳриддин Ваҳобов, Алишер Азизов, Меҳрож Ғуломов, Азамат Шарипов, Асқар Муҳиддинов, Алишер Маҳмудов, Владимир Киликевич, Сардор Кобулжонов, Нодир Жўраев.
Голлар: Б.Пардаев, А.Азизов, Н.Жўраев.

Кўриб турганингиздек, жамоада тўртта янги футболчи пайдо бўлган. Булар — Баҳодир Пардаев ("Бунёдкор"), Владимир Киликевич ("Динамо"), Бобур Акбаров ("Гулистон") ва Илья Ильин ("Қизилқум").

Ильин учун кечаги учрашув иккинчиси булган бўлса, қолганлар учун кечаги ўйин дастлабкиси бўлди. Таъкидлаш жоизки, Пардаевнинг дебюти анча омадли бошланди. У гол киритишни уддалади.

Бу футболчилар билан шартнома имзолангани йўқ. Шартнома имзолангани заҳотиёқ, сайтимизда эълон қиламиз.

Жамоани расман тарк этган футболчи бу фақат Георги Квесиешвили. Қолган барча футболчилар жамоа билан бирга.

Эртага жамоамиз учинчи ўртоқлик учрашувини Тошкентнинг "Бунёдкор" клубига қарши ўтказишади. Бу ҳақда эртага батафсил маълумот берамиз.