Мадриднинг “Реал” жамоаси ҳужумчиси Килиан Мбаппе Чемпионлар лигасида ҳафта ўйинчиси деб топилди. Бу ҳақда мусобақа матбуот хизмати X ижтимоий тармоғида маълум қилди.

“Қаймоқранглилар” футболчиси Чемпионлар лигасининг умумий босқичи 5-туридан ўрин олган учрашувда “Олимпиакос” дарвозасига тўртта гол урди (3:4).

Овоз беришда иккинчи ўринни “ПСЖ” яримҳимоячиси Витинья эгаллади — у “Тоттенхэм” дарвозасига 3 та гол урган эди (5:3). Учинчи ўринни “Марсель” ҳужумчиси Пьер-Эмерик Обамеянг эгаллади — у “Ньюкасл”га қарши ўйинда дубль қайд этди (2:1). Тўртинчи ўрин эса “Боруссия” ҳужумчиси Серу Гирассига насиб этди (у “Вильярреал”га қарши баҳсда дубль қайд этган).