"Катта дубулға" турнирларининг олти карра ғолиби, жаҳоннинг собиқ биринчи ракеткаси, германиялик теннисчи Борис Беккер "Арсенал" ва "Бавария"ни Европанинг энг кучли жамоалари деб ҳисоблайди. Чемпионлар лигаси умумий босқич 5-туридан ўрин олган ўйинда лондонликлар мюнхенликларни 3:1 ҳисобида мағлуб этди.
"Менга ҳар икки жамоа ўйнайдиган футбол ёқади! Менимча, ҳозир бу Европадаги энг яхши икки жамоа," - деб ёзди Беккер ижтимоий тармоқдаги шахсий саҳифасида.
Айни пайтда "Арсенал" 15 очко билан ЕЧЛ турнир жадвалида якка пешқадам бўлиб турибди. Жамоа энг яқин таъқибчилари - "ПСЖ", "Бавария", "Интер" ва "Реал"дан уч очко олдинда.
