"Бетис" футболчиси Антони дисквалификацияси ҳақида гапирди. Ўтган турда "Жирона"га қарши кечган баҳсда қизил карточка олиб, "Севилья" билан бўлажак дербида майдонга туша олмайди.
"Бундай ўйинни ўтказиб юборганимдан жуда афсусдаман. Бу йилнинг асосий ўйини ва мен унда қатнаша олмаслигимни англашим қийин", - деди 25 ёшли вингер.
Антони жорий мавсум "Бетис" сафида барча мусобақаларда 13 та баҳсда 6 та гол урди ва жамоадошларига 3 та голли узатмани амалга оширди. Севилья дербиси 30 ноябрь, якшанба куни бўлиб ўтади.
